იტალიის საელჩომ მონაწილეობა მიიღო საქართველოს პასუხისმგებელი ბიზნესის კონკურსის “Meliora 2018” გამარჯვებულთა დაჯილდოების ცერემონიაში. ელჩის მოადგილემ სტეფანო კრეშენციმ ჯილდო გადასცა კომპანიას, რომელმაც კატეგორიაში “სექტორთა პარტნიორობა – გაზიარებული პასუხისმგებლობა” გაიმარჯვა საზოგადოებრივ ორგანიზაციასთან თანამშრომლობით განხორციელებული სოციალურად სარგებლიანი საუკეთესო პროექტისთვის.
“კომპანიისა და სამოქალაქო საზოგადოების ურთიერთთანამშრომლობა და პარტნიორობა ცხოვრების ხარისხის გაუმჯობესებისა და ადგილობრივი თემების მდგრადი განვითარებისთვის უმნიშვნელოვანესია ჯანსაღი, ინკლუზიური და ინდივიდების კეთილდღეობაზე მზრუნველი საზოგადოებისათვის“, – აღნიშნა ელჩის მოადგილემ.
ვულოცავთ კონკურსში გამარჯვებულებს!
