ეკონომიკური თანამშრომლობა
იტალიასა და საქართველოს დიდი ხნის მყარი ეკონომიკური ურთიერთობა აკავშირებთ, როგორც სახელმწიფო, ასევე სამეწარმეო დონეზე. სავაჭრო ურთიერთობები გამარტივებულია 2014 წლის ოქტომბერში ევროკავშირთან ღრმა და ყოვლისმომცველი თავისუფალი სავაჭრო სივრცის შეთანხმების (DCFTA) ძალაში შესვლის შემდგომ. ვაჭრობის კუთხით, იტალია საქართველოს რიგით მეოთხე პარტნიორია ევროპის, და მეათე – მსოფლიო მასშტაბით.
საქართველოში წარმოდგენილი იტალიური კომპანიების რიცხვი დღითიდღე იზრდება. საკმარისია ვახსენოთ Gruppo Ferrero, რომლისთვისაც საქართველო თხილის მნიშვნელოვან მიმწოდებელს წარმოადგენს. საქართველოში მიმდინარე მნიშვნელოვანი ინფრაქტრუქტურული პროექტების განხორციელებაში მსხვილი იტალიური კომპანიებია ჩართული.
იტალიის სტატისტიკის ეროვნული ინსტიტუტის (ISTAT) საგარეო ვაჭრობის სტატისტიკური მონაცემების სანახავად დააჭირეთ აქ.
ექსპორტის სერვისებთან გამარტივებული წვდომისთვის დააჭირეთ აქ.
2025 წელს თბილისში იტალიის საელჩოს საქმიანობა განხორციელდა ასევე შემდეგი „გენერალური სპონსორების“ დახმარებით:
კომპანიის შესახებ: არემჯი სამთომოპოვებით საქმიანობას 2012 წლიდან ახორციელებს. საქართველოში კომპანიამ 300$ მილიონზე მეტი ინვესტიცია განახორციელა. არემჯი ქვემო ქართლში მდებარე საბადოებზე სპილენძის, ოქროს შემცველი კვარციტებისა და პოლიმეტალური მადნების ღია კარიერული და მიწისქვეშა წესით მოიპოვებას, მათ გადამუშავებას და რეალიზაციას ახორციელებს.
საქმიანი ურთიერთობების დამყარების შესაძლებლობები საქართველოში
წარმოადგენთ იტალიურ კომპანიას და გსურთ მიიღოთ დეტალური ინფორმაცია საქართველოში ბიზნესისა და ინვესტირების შესახებ? იხილეთ “Osservatorio Economico” და “Infomercatiesteri“-ს გვერდი, რომელიც საქართველოს ეძღვნება.
სხვა სასარგებლო ინფორმაცია და წყაროები ხელმისაწვდომია ჩვენი ვებგვერდის სექციაში “საქმიანი ურთიერთობების დამყარების შესაძლებლობები საქართველოში“.
ტენდერებისა და სახელმწიფო შესყიდვების შესახებ დეტალური ინფორმაცია იხილეთ ვებ-პორტალზე “Extender” ან საქართველოს სახელმწიფო შესყიდვების სააგენტოს ვებგვერდზე.
საქართველოში სავაჭრო-ეკონომიკური გარემოს შესახებ დეტალური ინფორმაციის მისაღებად და იტალიური კომპანიებისთვის საქართველოში არსებული შესაძლებლობების სანახავად, გაეცანით საელჩოს მიერ მომზადებულ ბიზნესის გზამკვლევს.
საქმიანი ურთიერთობების დამყარების შესაძლებლობები იტალიაში
იტალიაში ბიზნესის შესაძლებლობებთან დაკავშირებული ინფორმაცია ხელმისაწვდომია ჩვენი ვებგვერდის სექციაში “საქმიანი ურთიერთობების დამყარების შესაძლებლობები იტალიაში“.
გარდა ამისა, იხილეთ ცნობარები “Doing Business in Italy” და “Why Invest in Italy“.
გამოქვეყნდა იტალიის მრეწველობის გენერალური კონფედერაციის მიერ მომზადებული ანალიზი „Unveiling Italy’s Economic Potential“, რომელშიც განხილულია იტალიის ეკონომიკა, უკანასკნელ წლებში მიღწეული მნიშვნელოვანი პროგრესი, ეკონომიკური ზრდისა და ჩვენს ქვეყანაში ინვესტირების შესაძლებლობები. მიმოხილვის სანახავად დააჭირეთ აქ.
შეთანხმებები
ეკონომიკური სახის ძირითადი შეთანხმებებია:
⦁ 1997 წლის 15 მაისს რომში ხელმოწერილი შეთანხმება თანამშრომლობის შესახებ ტურიზმის სფეროში (ძალაშია 1997 წლის 15 სექტემბრიდან);
⦁ 1997 წლის 15 მაისს რომში ხელმოწერილი ერთობლივი დეკლარაცია ეკონომიკური თანამშრომლობის შესახებ (ძალაშია 1997 წლის 15 მაისიდან);
⦁ 1997 წლის 15 მაისს რომში ხელმოწერილი შეთანხმება დამატებითი ოქმით ინვესტიციების ხელშეწყობისა და დაცვის შესახებ (ძალაშია 1999 წლის 26 ივლისიდან);
⦁ 1997 წლის 15 მაისს რომში ხელმოწერილი შეთანხმებამგზავრებისა და ტვირთების საერთაშორისო ტრანსპორტის რეგულირების შესახებ (ძალაშია 2000 წლის 1 ივნისიდან);
⦁ 2000 წლის 31 ოქტომბერს რომში ხელმოწერილი კონვენცია დამატებითი ოქმით მემკვიდრეობაზე ორმაგი გადასახადების დაწესებისა და გადასახადების გადაუხდელობის თავიდან აცილების შესახებ (ძალაშია 2004 წლის 19 თებერვლიდან);
⦁ 2004 წლის 24 ნოემბერს თბილისში ხელმოწერილი ⦁ ერთობლივი დეკლარაცია ეკონომიკურ ურთიერთობათა საკონსულტაციო საბჭოს შესახებ (ძალაშია 2004 წლის 24 ნოემბრიდან);
⦁ 2017 წლის 26 იანვარს თბილისში ხელმოწერილი მემორანდუმი ორმხრივ თანამშრომლობაზე საბაჟო სფეროში (ძალაშია 2017 წლის 26 იანვრიდან);
⦁ 2022 წლის 5 აგვისტოს თბილისში ხელმოწერილი ურთიერთთანამშრომლობის მემორანდუმი სოფლის მეურნეობისა და ღვინის სექტორში გეოგრაფიული აღნიშვნების დაცვასთან დაკავშირებით იტალიის სოფლის მეურნეობის, სურსათისა და სატყეო პოლიტიკის სამინისტროსა და საქართველოს ინტელექტუალური საკუთრების ეროვნული ცენტრ „საქპატენტს” შორის (ძალაშია 2022 წლის 5 აგვისტოდან).
კომერციული განყოფილება
საელჩოს კომერციული განყოფილება დახმარებას უწევს საქართველოში ვიზიტით ჩამოსულ სამთავრობო დელეგაციებსა და მეწარმეთა მისიებს. აგროვებს, ამუშავებს და გასცემს ინფორმაციას საქართველოში მაკროეკონომიკური გარემოსა და ორმხრივი ეკონომიკური ურთიერთობების მდგომარეობის შესახებ. ხელს უწყობს ორმხრივი ეკონომიკური და სავაჭრო ურთიერთობების განვითარებას და დახმარებას უწევს იტალიურ კომპანიებს სასამართლო დავების შემთხვევაში. აწარმოებს ახალ შეთანხმებებთან დაკავშირებულ მოლაპარაკებებს საქართველოს უწყებებთან.
კომერციული ატაშე
commerciale.tbilisi@esteri.it
ტელ: (00995 32) 2996418 (შიდა ნომერი 105)
ფაქსი: (00995 32) 2996415
სააგენტო ICE
სააგენტო ICE საქართველოში მოქმედებს თბილისის წარმომადგენლობის მეშვეობით, რომელიც სააგენტო ICE-ს ბაქოს ოფისს ექვემდებარება და საქმიანობს საქართველოში იტალიის საელჩოს ზედამხედველობის ქვეშ (და მდებარეობს საელჩოს შენობაში). სააგენტოს სერვისებია: იტალიური და ქართული კომპანიებისათვის ინფორმაციის შეგროვება და მიწოდება (ბაზრის დარგობრივი კვლევა და მონაცემთა დამუშავება), მათი დახმარება სხვადასხვა სახის ინიციატივებში და ადგილობრივი კომპანიების იტალიაში მისიების ორგანიზება. დამატებითი ინფორმაციისთვის დააჭირეთ აქ.