გრძელდება თეატინელი პატრის, კრისტოფორო კასტელისადმი მიძღვნილი გამოფენის მოგზაურობა საქართველოში: დედაქალაქის შემდეგ, კასტელის ნახატების რეპროდუქციები ახლა კოლხეთის ანტიკურ ქალაქს, ვანს სტუმრობს. გამოფენას, რომელიც იტალიის ელჩმა ენრიკო ვალვომ და საქართველოს ეროვნული მუზეუმის დირექტორმა დავით ლორთქიფანიძემ ოთარ ლორთქიფანიძის სახელობის ვანის არქეოლოგიურ მუზეუმში გახსნეს, უამრავ სტუმართან ერთად, ადგილობრივი ხელისუფლების წარმომადგენლებიც ესწრებოდნენ.
იტალიის საელჩოს მიერ საქართველოს ეროვნულ მუზეუმთან თანამშრომლობით ორგანიზებული გამოფენა, რომელიც იტალიასა და საქართველოს დიპლომატიური ურთიერთობების დამყარების 30 წლისთავს ეძღვნება, ღია იქნება მნახველისთვის 2022 წლის 2 ნოემბრამდე.
