მუსიკის დღესასწაული მთელ იტალიაში ყოველწლიურად ზაფხულის ბუნიობის დღეს აღინიშნება. ამ ინიციატივის ფარგლებში სხვადასხვა ქალაქის ქუჩებში, მოედნებსა და პარკებში ტარდება ღონისძიებები ცოცხალი მუსიკის თანხლებით. წელს ეს დღესასწაული საქართველოშიც აღინიშნება: 21 ივნისს ბორჯომში, თ. ამირეჯიბის სახ. პიანისტთა საერთაშორისო კონკურსის ფარგლებში, ჩვენი საელჩოს მხარდაჭერით გაიმართება კონცერტი, რომელშიც მონაწილეობს უამრავი ეროვნული თუ საერთაშორისო კონკურსის (მათ შორის, კონკურსების "Amigdala", "Barcellona Pozzo di Gotto" და "Ibla Grand Prize") ლაურეატი კორადო ნერი, რომლის საკონცერტო გამოცდილება 500-ზე მეტ კონცერტს ითვლის. შესრულდება დომენიკო მოდუნიოს, ფრიდრიჰ გულდასა და ჯორჯ გერშვინის ნაწარმოებები.
