ეს საიტი იყენებს ტექნიკურ, ანალიტიკურ და მესამე მხარის ქუქიებს.
დათვალიერების გაგრძელებით თქვენ ეთანხმებით ქუქიების გამოყენებას.

Preferences cookies

თანამედროვე იტალიური საბალეტო დასი “Spellbound” თბილისის საერთაშორისო საბალეტო ფესტივალზე

უამრავ იტალიურ თუ ევროპულ ფესტივალში (მათ შორის, ვენეციის ბიენალეში, ბიარიცის, მადრიდისა და ბანგკოკის ფესტივალებში) მონაწილების შემდეგ, თანამედროვე იტალიური საბალეტო ხელოვნების უმნიშვნელოვანესი წარმომადგენელი, საბალეტო დასი Spellbound Contemporary Ballet თბილისის საერთაშორისო საბალეტო ფესტივალს ესტუმრება. 23 და 24 ივნისს, მაყურებელი იხილავს თანამედროვე იტალიური ქორეოგრაფიის ერთ-ერთი ყველაზე საინტერესო ფიგურის, მაურო ასტოლფის მიერ დადგმულ ორ საბალეტო წარმოდგენას, “Formami” და “Rossini Ouvertures”, რომელიც ჯოაკინო როსინის ეძღვნება (წელს დიდი იტალიელი კომპოზიტორის გარდაცვალების 150 წლისთავი აღინიშნება).
წარმოდგენები, რომლებიც მუსიკის, მუდმივი განვითარებისა და ძიების გზაზე მყოფი საცეკვაო ხელოვნებისა და მოძრაობის განსხვავებულ ფორმათა ნაზავია, ჩვენი საელჩოს მხარდაჭერით გაიმართება. არ გამოტოვოთ! ბილეთების შეძენა შესაძლებელია ონლაინ.