საქველმოქმედო კონცერტი სახელგანთქმული მუსიკოსების მონაწილეობით

თბილისში იტალიის საელჩოს მხარდაჭერით გაიმართება საქველმოქმედო კონცერტი, რომლის ორგანიზატორია ცნობილი მეცოსოპრანოს ნინო სურგულაძის მიერ ბავშვთა დასახმარებლად დაარსებული ფონდი “ნატვრის ხე”. კონცერტი ჩატარდება თბილისის დიდ საკონცერტო დარბაზში, შაბათს, 9 იანვარს, 21:00 საათზე.
ქართველი მომღერლის გარდა, კონცერტში მონაწილეობას მიიღებენ სხვა ცნობილი მუსიკოსები: ალესანდრო საფინა, ენჯელ ბლუ, ანა რუცნერი, ოლივერ პული, კარლო პონტი და სხვები. კონცერტიდან შემოსული თანხა მოხმარდება მძიმე სენით დაავადებულ ბავშვებს.
ბილეთების შეძენა შესაძლებელია თბილისის დიდი საკონცერტო დარბაზის სალაროებში და ვებგვერდის მეშვეობით: www.tkt.ge