სწავლის შესაძლებლობა: ICoN-ის მიერ გამოყოფილი სასწავლო სტიპენდიები
2026-2027 აკადემიური წლისათვის კონსორციუმი ICoN აცხადებს კონკურსს 3 სემესტრული სტიპენდიის მისაღებად, რომლებიც იტალიური ენისა და კულტურის ონლაინ კურსზე სასწავლებლად გაიცემა. სტიპენდიები, რომლებიც ითვალისწინებს სწავლის საფასურის ნაწილობრივ დაფარვას, განკუთვნილია უცხოელი სტუდენტებისათვის და უცხოეთში მცხოვრები იტალიის მოქალაქეებისათვის, რომლებიც აკმაყოფილებენ იტალიის უნივერსიტეტებში სწავლისთვის აუცილებელ მოთხოვნებს.
განაცხადის გაგზავნა შესაძლებელია 2026 წლის 8 სექტემბრამდე ონლაინ.
დეტალური ინფორმაცია იხილეთ აქ.
სტიპენდიები მილანის ლა სკალას თეატრის აკადემიაში სასწავლებლად
მილანის ლა სკალას აკადემია, მილანის პოლიტექნიკურ უნივერსიტეტთან და Piccolo Teatro di Milano – Teatro d’Europa-სთან თანამშრომლობით, გასცემს სტიპენდიებს საშემსრულებლო ხელოვნების მენეჯმენტის სამაგისტრო კურსზე სწავლისთვის (ხანგრძლივობა: 1 წელი).
ევროკავშირის არაწევრი ქვეყნების მოქალაქეებისთვის კანდიდატურის წარდგენის ვადაა 2026 წლის 16 სექტემბერი, ევროკავშირის წევრი მოქალაქეებისთვის კი – 2026 წლის 30 სექტემბერი.
წარჩინებული სტუდენტებისთვის განსაზღვრულია მილანის პოლიტექნიკური უნივერსიტეტის ჯანლუკა სპინას სახ. ასოციაციის მიერ გამოყოფილი 3 სასწავლო სტიპენდია და, ასევე, იტალიის საგარეო საქმეთა და საერთაშორისო თანამშრომლობის სამინისტროს მიერ გამოყოფილი სტიპენდიები წარჩინებული უცხოელი სტუდენტებისთვის.
დეტალური ინფორმაცია იხილეთ აქ.