სტიპენდიები მილანის ლა სკალას თეატრის აკადემიაში სასწავლებლად
ლა სკალას თეატრის აკადემია აცხადებს კონკურსს საოპერო მომღერლების დახელოვნების კურსზე (ხანგრძლივობა: 2 წელი) და ხელოვნების მენეჯმენტის სამაგისტრო კურსზე (ხანგრძლივობა: 1 წელი) სწავლის მსურველთათვის.
საოპერო მომღერლების დახელოვნების კურსზე სწავლის მსურველთა განაცხადების მიღების ბოლო ვადაა 9 აპრილი, საშემსრულებლო ხელოვნების მენეჯმენტის სამაგისტრო კურსზე სწავლის მსურველთა განაცხადების ბოლო ვადად კი გამოცხადებულია: 1 ოქტომბერი – ევროკავშირის წევრი ქვეყნების მოქალაქეებისთვის, 17 სექტემბერი – ევროკავშირის არაწევრი ქვეყნების მოქალაქეებისათვის.
ლა სკალას თეატრის აკადემია საოპერო მომღერლების დახელოვნების კურსზე სასწავლებლად გასცემს 1 სტიპენდიას, რომელიც თვიურად 900 ევროს შეადგენს. ჯანლუკა სპინას სახ. ასოციაცია საშემსრულებლო ხელოვნების მენეჯმენტის სამაგისტრო კურსზე სასწავლებლად გასცემს სამ სტიპენდიას. წარჩინებული უცხოელი სტუდენტებისთვის გათვალისწინებულია იტალიის საგარეო საქმეთა და საერთაშორისო თანამშრომლობის სამინისტროს მიერ გამოყოფილი სასწავლო სტიპენდიები.
საოპერო მომღერლების დახელოვნების კურსთან დაკავშირებული დეტალური ინფორმაციისთვის დააჭირეთ აქ.
საშემსრულებლო ხელოვნების მენეჯმენტის სამაგისტრო კურსთან დაკავშირებული ინფორმაციისთვის დააჭირეთ აქ.
ბოლონიის უნივერსიტეტი: სამაგისტრო პროგრამა ევროპულ ლიტერატურაში 2025-2026 აკადემიური წლებისთვის
ევროპულ ლიტერატურაში სამაგისტრო პროგრამაზე სწავლის კურსი ჩართულია პროგრამაში “Erasmus + Erasmus Mundus Joint Master”, რომელიც განკუთვნილია საუკეთესო სტუდენტებისთვის მთელი მსოფლიოდან. ევროპული და არაევროპული ქვეყნების უნივერსიტეტების კონსორციუმის მიერ ორგანიზებული სასწავლო კურსის მიზანია, ხელი შეუწყოს კულტურებს შორის ურთიერთგაგებასა და აკადემიური ხარისხის ამაღლებას.
კურსის ხანგრძლივობა ორ წელს შეადგენს და სწავლების ენა სტუდენტის მიერ შერჩეული უნივერსიტეტის მიხედვით იცვლება. ორწლიანი პერიოდის დასრულების შემდგომ, სტუდენტს შესაძლებლობა ექნება, მიიღოს კონსორციუმის წევრი იმ უნივერსიტეტების მიერ გაცემული ორი ან სამი დიპლომი.
სწავლის მსურველებს უნდა გააჩნდეთ საუკეთესო აკადემიური მაჩვენებლები, დიპლომი ევროპულ ლიტერატურაში სამაგისტრო პროგრამის შესაბამის დისციპლინებში (ლიტერატურა, ისტორია, ხელოვნება, ენები). გარდა ამისა, აუცილებელია ინგლისური ენისა (სულ მცირე, B1 დონეზე) და შერჩეულ უნივერსიტეტში სწავლების ენის (სულ მცირე, B2 დონეზე) ცოდნა.
სასწავლო სტიპენდიებისა და სხვა შეღავათების მისაღებად გამართულ კონკურსში მონაწილეობისათვის განაცხადის წარდგენის ვადებია:
სასწავლო სტიპენდიების მისაღებად: 2024 წლის 2 დეკემბრიდან 2025 წლის 3 მარტამდე;
სხვა შეღავათების მისაღებად – 2025 წლის 1 აპრილიდან 2025 წლის 29 მაისამდე.
დეტალური ინფორმაციისთვის დააჭირეთ აქ.