ეს საიტი იყენებს ტექნიკურ, ანალიტიკურ და მესამე მხარის ქუქიებს.
დათვალიერების გაგრძელებით თქვენ ეთანხმებით ქუქიების გამოყენებას.

Preferences cookies

კანოპა

კანოპა ძვ.წ. VII-VI საუკუნეებში კიუზის არეალში გავრცელებული ოვალური ფორმის თიხის ჭურჭელია ადამიანის თავის ფორმის სარქვლით, რომელიც ცხედრის ფერფლისთვის იყო განკუთვნილი.

დროთა განმავლობაში ეს ჭურჭელი სულ უფრო მეტად იძენდა ანთროპომორფულ იერს. მიცვალებულის სქესის ხაზგასასმელად ადამიანის თავის ფორმის სარქველზე სახის ნაკვთები გამოყვანილი იყო გრავირებით ან პლასტიკური დეტალებით. ფიგურას ბრინჯაოს ან ოქროს საყურისთვის ყურის ბიბილოც კი ჰქონდა გახვრეტილი. ვარცხნილობა გადმოცემული იყო ტალღოვანი კულულების ან პატარა ნაწნავების კომბინაციით. ჭურჭლის ტანზე ამაგრებდნენ მცირე ზომის ზეაღმართულ ხელებს და მკერდს სქესის განსასხვავებლად. განსაკუთრებით მდიდრულ სამარხებში კანოპები მოთავსებული იყო მომცრო ზომის მომრგვალებული საზურგის მქონე ტახტზე.

ურნისთვის ადამიანური სახის მიცემის მიზანი ცხედრის კრემაციის რიტუალის შედეგად დარღვეული ფიზიკური ხელშეუხებლობის აღდგენა იყო. ეს ტენდენცია შეგვიძლია პორტრეტული გამოსახვის ადრეულ მცდელობად მივიჩნიოთ. ექსპოზიციაზე წარმოდგენილი კანოპები ამის ნათელი მაგალითია.