ეს საიტი იყენებს ტექნიკურ, ანალიტიკურ და მესამე მხარის ქუქიებს.
დათვალიერების გაგრძელებით თქვენ ეთანხმებით ქუქიების გამოყენებას.

Preferences cookies

სხვა შესაძლებლობები

ბოლონიის უნივერსიტეტი: სამაგისტრო პროგრამა ევროპულ ლიტერატურაში

ევროპულ ლიტერატურაში სამაგისტრო პროგრამაზე სწავლის კურსი ჩართულია პროგრამაში “Erasmus + Erasmus Mundus Joint Master Degrees”, რომელიც განკუთვნილია საუკეთესო სტუდენტებისთვის მთელი მსოფლიოდან. ევროპული და არაევროპული ქვეყნების უნივერსიტეტების კონსორციუმის მიერ ორგანიზებული სასწავლო კურსის მიზანია, ხელი შეუწყოს კულტურებს შორის ურთიერთგაგებასა და აკადემიური ხარისხის ამაღლებას.
კურსის ხანგრძლივობა ორ წელს შეადგენს და სწავლების ენა სტუდენტის მიერ შერჩეული უნივერსიტეტის მიხედვით იცვლება. ორწლიანი პერიოდის დასრულების შემდგომ, სტუდენტს შესაძლებლობა ექნება, მიიღოს კონსორციუმის წევრი იმ უნივერსიტეტების მიერ გაცემული ორი ან სამი დიპლომი, სადაც მან, სულ მცირე, ერთი სემესტრის განმავლობაში ისწავლა.
სწავლის მსურველებს უნდა გააჩნდეთ საუკეთესო აკადემიური მაჩვენებლები, დიპლომი ევროპულ ლიტერატურაში სამაგისტრო პროგრამის შესაბამის დისციპლინებში (ლიტერატურა, ისტორია, ხელოვნება, ენები). გარდა ამისა, აუცილებელია ინგლისური ენისა (სულ მცირე, B1 დონეზე) და შერჩეულ უნივერსიტეტში სწავლების ენის (სულ მცირე, B2 დონეზე) ცოდნა.
სასწავლო შეღავათების მისაღებად გამართულ კონკურსში მონაწილეობისათვის განაცხადის წარდგენის ბოლო ვადაა 2024 წლის 31 მაისი.
დეტალური ინფორმაციისთვის დააჭირეთ აქ.

 

მარანგონის ინსტიტუტში სწავლის შესაძლებლობა

მარანგონის ინსტიტუტი, რომელიც მოდისა და დიზაინის დარგში ერთ-ერთი საუკეთესო იტალიური უმაღლესი სასწავლებელია, მოდის, ხელოვნების, დიზაინის, პარფიუმერიისა და კოსმეტიკის სფეროებით დაინტერესებულ ნიჭიერ სტუდენტებს 2024 წლის ოქტომბრიდან სთავაზობს საბაკალავრო და სამაგისტრო პროგრამებს მილანის მოდის, მილანის დიზაინისა და ფლორენციის მოდისა და ხელოვნების სკოლებში (შესაძლებელია სწავლის საფასურის 5000 ევროთი შემცირება).
განაცხადების წარდგენის ვადაა 2024 წლის 8 მარტი.
დეტალური ინფორმაციისთვის დააჭირეთ აქ.

 

ამედეო ავოგადროს სახელობის აღმოსავლეთ პიემონტეს უნივერსიტეტი (UPO)

პოლიტიკური და სოციალური მეცნიერებები, ბიოლოგია და ინფორმატიკა, ფიზიკა და ქიმია, პოლიტიკური დოქტრინები და ზოგადი სოციოლოგია – ამედეო ავოგადროს სახ. აღმოსავლეთ პიემონტეს უნივერსიტეტი სწავლის მსურველებს მასტერისა და დოქტორანტურის უამრავ კურსსა თუ პროგრამას სთავაზობს. ეს უნივერსიტეტი 19 საერთაშორისო პროექტის მონაწილე და მეცნიერებისა და ტექნოლოგიების მოწინავე სასწავლო ცენტრია (იტალიაში პირველ ადგილზეა სხვადასხვა სასწავლო დისციპლინაში წარმატებული კვლევების თვალსაზრისით და მეორე ადგილზე – ექსპერიმენტულ და კლინიკურ მედიცინაში სამეცნიერო კვლევების თვალსაზრისით). უნივერსიტეტის შვიდი დეპარტამენტისა და სამედიცინო სკოლის ლაბორატორიები აღჭურვილია თანამედროვე დანადგარებითა და ინვენტარით.
1998 წელს დაარსებული აღმოსავლეთ პიემონტეს უნივერსიტეტის ძირითადი ფილიალები ალესანდრიაში, ნოვარასა და ვერჩელიში მდებარეობს, გარდა ამისა, სასწავლებელი წარმოდგენილია პიემონტესა და ვალე დ’აოსტას სხვა ქალაქებშიც.
უნივერსიტეტის დეპარტამენტებია:

ნოვარას ფილიალთან არსებული მედიცინის სკოლა, საუნივერსიტეტო საავადმყოფოს “Maggiore della Carità” ბაზაზე, კოორდინირებას უწევს საზოგადოებრივი ჯანდაცვისა და ტრანსლაციური მედიცინის დეპარტამენტების საგანმანათლებლო და სამეცნიერო საქმიანობას.

 

არქივი