Questo sito usa cookie per fornirti un'esperienza migliore. Proseguendo la navigazione accetti l'utilizzo dei cookie da parte nostra OK

ექსპორტის მხარდამჭერი პაქტი და საგამოფენო სისტემის ხელშეწყობასთან დაკავშირებული ინიციატივები

თარიღი:

09/10/2020


ექსპორტის მხარდამჭერი პაქტი და საგამოფენო სისტემის ხელშეწყობასთან დაკავშირებული ინიციატივები

ექსპორტის მხარდამჭერი პაქტით გათვალისწინებული, "Made in Italy" (იტალიური ნაწარმის) ხელშეწყობასთან დაკავშირებული ინიციატივები მიმართულია საგამოფენო სისტემისა და იმ საერთაშორისო მნიშვნელობის მქონე საექსპოზიციო ღონისძიებების გაძლიერებისაკენ, რომლებსაც იტალია მასპინძლობს და რომლებიც ამჟამად გახსნის ეტაპზეა.

კერძოდ, გათვალისწინებულია მთელი რიგი ღონისძიებები, რომლებიც მიზნად ისახავს სავაჭრო გამოფენებსა და საერთაშორისო ექსპოზიციებში უცხოელი ოპერატორების (გამოფენების მონაწილეების, მყიდველების და სხვ.) მონაწილეობის ხელშეწყობას. ამასთან დაკავშირებით გაცნობებთ, რომ 7 სექტემბრის მინისტრთა საბჭოს დეკრეტის სპეციალური მითითებით განისაზღვრა იტალიაში გადაუდებელი, მათ შორის, საერთაშორისო გამოფენებში მონაწილეობის მიზნით შესვლის შეზღუდვასთან დაკავშირებული გამონაკლისები. აღნიშნული მითითებით დაშვებულია იტალიაში თავისუფალი შესვლა სავაჭრო გამოფენის უცხოელი მონაწილეებისა და მყიდველებისთვის, რომლებიც გადამზიდავსა და შესაბამისი შემოწმების განხორციელებაზე უფლებამოსილ პირებს წარუდგენენ ცნობას იტალიის ტერიტორიაზე შესვლამდე 72 საათის განმავლობაში ჩატარებული PCR ტესტისა და ამ ტესტის უარყოფითი შედეგის შესახებ.

აღნიშნული ნორმის თანახმად, სავალდებულოა ჯანდაცვის სამინისტროს ნებართვა (სამინისტროს პრევენციის გენერალურ დეპარტამენტთან დაკავშირება შესაძლებელია ელ. ფოსტის მისამართზე: coordinamento.usmafsasn@sanita.it). დაინტერესებულმა სუბიექტმა სამინისტროს უნდა მიმართოს მოთხოვნით კონკრეტულ გამოფენაზე მონაწილეობისთვის იტალიის ტერიტორიაზე შესვლის ნებართვის თაობაზე. მოთხოვნას თან უნდა ერთვოდეს იტალიაში შესვლის მსურველთა სრული სია.

აღნიშნული პროცედურა გათვალისწინებული არ არის მინისტრთა საბჭოს 07.8.2020 დეკრეტის დანართი 20-ის F ჩამონათვალში მითითებული ქვეყნების მოქალაქეებისა და ასევე, ამ ქვეყნებიდან ტრანზიტით მომავალი პირებისთვის.

ხაზგასმით აღვნიშნავთ, რომ იტალიის ტერიტორიაზე შემოსვლისას უცხოეთიდან ჩამოსულ ოპერატორებს თან უნდა ჰქონდეთ ჯანდაცვის სამინისტროს მიერ გაცემული ნებართვა, პროტოკოლი და ანკეტა, შემოსვლამდე 72 საათის განმავლობაში გაკეთებული PCR ტესტის უარყოფითი პასუხის დამადასტურებელ ცნობასთან ერთად.


ადგილი:

Tbilisi

1275