Questo sito usa cookie per fornirti un'esperienza migliore. Proseguendo la navigazione accetti l'utilizzo dei cookie da parte nostra OK

განახლებული ინფორმაცია საქართველოდან იტალიის ტერიტორიაზე შესვლასთან დაკავშირებით

თარიღი:

01/07/2020


განახლებული ინფორმაცია საქართველოდან იტალიის ტერიტორიაზე შესვლასთან დაკავშირებით

საქართველო ევროკავშირის საბჭოს 2020 წლის 30 ივნისის იმ ქვეყნების სიაშია, რომლებსაც  ევროკავშირი მგზავრობაზე დროებით დაწესებულ შეზღუდვებს თანდათანობით მოუხსნის:

ამავე დღეს იტალიის ჯანდაცვის სამინისტრომ მიიღო დადგენილება აღნიშნულ სიაში ჩამოთვლილი ქვეყნებიდან (მათ შორის, საქართველოდან) იტალიაში 14 ივლისამდე შესვლის თაობაზე. გაცნობებთ, რომ ამ დადგენილების თანახმად, იტალიაში შესვლა მიზეზისგან განურჩევლად ნებადართულია ევროკავშირის მოქალაქეებისა და რეზიდენტებისთვის, ასევე, მათი ახლო ნათესავებისთვის (მეუღლე, პარტნიორი, 21 წლამდე ასაკის შვილები, მათთან მცხოვრები მშობლები და შეზღუდული შესაძლებლობის მქონე ნათესავები).

აღნიშნულ სიაში ჩამოთვლილი ქვეყნების, მათ შორის, საქართველოს მოქალაქეები, ვალდებულნი არ არიან დაასაბუთონ მგზავრობის მიზეზი (მაშინ, როდესაც გუშინდელ დღემდე საქართველოდან იტალიაში შესვლა ნებადართული იყო მხოლოდ სამუშაოსთან, გადაუდებელ საჭიროებასა და ჯანმრთელობასთან დაკავშირებული მიზეზებით).

ამასთან უნდა აღინიშნოს, რომ ზემოთ მითითებული ნორმატივის თანახმად, საქართველოდან შემოსვლის შემთხვევაში სავალდებულოდ რჩება 14 დღიანი თვითიზოლაცია. დეტალური ინფორმაციისთვის, გთხოვთ ყურადღებით გაეცნოთ იტალიის საგარეო საქმეთა და საერთაშორისო თანამშრომლობის სამინისტროს ვებგვერდის სექციას "ხშირად დასმული კითხვები"

თვითიზოლაციის ვალდებულება რამდენიმე გამონაკლისს უშვებს, მათ შორის, სატრანსპორტო საშუალებების ეკიპაჟების; იტალიაში ხანმოკლე სამუშაო ვიზიტის (120 სთ-მდე); ჯანმრთელობასთან ან გადაუდებელ საჭიროებასთან დაკავშირებული ვიზიტის; აეროპორტის ტრანზიტის შემთხვევებისთვის (სრული ჩამონათვალი იხ. სექციაში "ხშირად დასმული კითხვები"). ამავე სექციიდან შეგიძლიათ ჩამოტვირთოთ იტალიაში შესვლის შემთხვევაში გადაადგილების დასაბუთებისთვის საჭირო ავტო-დეკლარაციის ანკეტა.


ადგილი:

Tbilisi

1253