Questo sito usa cookie per fornirti un'esperienza migliore. Proseguendo la navigazione accetti l'utilizzo dei cookie da parte nostra OK

დარიო ფოს პიესა მიხეილ თუმანიშვილის სახელობის კინომსახიობთა თეატრის სცენაზე

თარიღი:

22/09/2016


დარიო ფოს პიესა მიხეილ თუმანიშვილის სახელობის კინომსახიობთა თეატრის სცენაზე

30 სექტემბერს, იტალიის საელჩო საქართველოში და მიხეილ თუმანიშვილის სახელობის კინომსახიობთა თეატრი წარმოგიდგენთ სპექტაკლს "არ გვიხდიან?! არ გადავიხდით!". სპექტაკლი იმართება ხელოვნების საერთაშორისო ფესტივალის "საჩუქარის" ახალი პროგრამის "ფოკუსში იტალიაა" ფარგლებში. იტალიელი დრამატურგის, მსახიობის, რეჟისორისა და ლიტერატურის დარგში 1997 წლის ნობელის პრემიის ლაურეატის, დარიო ფოს ბრწყინვალე კომედიის ინტერპრეტაცია ეკუთვნის სამხატვრო კონსულტანტს მიკელე პანელას.
პიესა პირველად დაიდგა 1974 წელს მილანის ისტორიული შენობის Palazzina Liberty სცენაზე, სადაც სამოცდაათიან წლებში დარიო ფოს თეატრალური დასი მოღვაწეობდა. დარიო ფო (გარდა იმისა, რომ პიესის ავტორი და რეჟისორი გახლდათ), ითამაშა კიდეც თავის მეუღლესთან, ფრანკა რამესთან ერთად. პიესა, რომელიც უამრავ ენაზე ითარგმნა და მსოფლიოს ყველაზე დიდ სცენებზე დაიდგა, სატირულ-გროტესკული ფორმითა და ამავე დროს, მძლავრი სოციალური დატვირთვით მოგვითხრობს მილანის პერიფერიაში მცხოვრები ქალების ისტორიას, რომლებიც თავს ძლივს ირჩენენ, აპროტესტებენ ფასების ზრდასა და უარს ამბობენ საყიდლების საფასურის გადახდაზე.
აი, ამ სპექტაკლზე დასასწრები ბილეთების საფასურის გადახდა კი ნამდვილად მოგიწევთ... ბილეთების შეძენა შესაძლებელია ონლაინ ან მიხეილ თუმანიშვილის სახელობის კინომსახიობთა თეატრის სალაროში.

2 cali ertad

 


ადგილი:

Tbilisi

839